ينجرح قلب لاكن ترتفع هامة

السلام عليكم ورحمة الله وبركاتة

كيف الحال

يالله حيهم

بنقل لكم هذا النص الرائع بروعة قائلة وأترك باقي التعليق لكم:

ينجرح قلب لكـن ترتفـع هامـه

والله اني لاموت ولاانحنى راسـي

لو رماني زماني وسـط دوامـه

العواصف شديده والجبـل راسـي

أنقل الحزن وامشي منتصب قامـه

قاسي الوقت لكنـي بعـد قاسـي

واسمع الحلم يصرخ لحظه اعدامه

رابط الجاش ماهز الخبـر باسـي

عزتي غاليـه والنـاس سوامـه

قلت ماابيع حتى تقطـع انفاسـي

زانت ايام عمري شانـت ايامـه

مارجيت العزى من رحمة الناسي

من عجز لايدوس الهـم باقدامـه

لازم انـه مـع الايـام ينداسـي

يندمل جرح القلب ماتت احلامـه

بس ما اظن يبرى جرح الاحساسي

يوم صارت مابين القلب والهامـه

وش ابي بالحياة الياانحنى راسـي

سلامتكم جميع..

مساعد الرشيدي.

القائمة البريدية القائمة البريدية
الإسم الكامل:
البريد الإلكتروني:
اشترك الآن إلغاء الإشتراك